CEBU – Mikabat sa dul-an 3 milyones ka pesos nga kantidad sa iligal nga drugas ang nasakmit sa Cebu City Police Office ug PDEA 7 sa managlahi nga buybust operation.
Nasikup sa Mabolo Police Station ang subject sa ilahang operasyon nga si Robert Solon, 46 anyus nga taga Barangay Upper Carreta, dakbayan sa Sugbo.
Nakuha gikan kang Solon ang 140 grams nga shabu nga nagkantidad ug P904,000.
Samtang, sa operasyon usab sa Philippine Drug Enforcement Agency 7, nasikup usab ang usa pa ka drug personality nga si Jerick Calugcugan sa Barangay Cadawinonan, Dumaguete City, Negros Oriental.
Nakuha sa posisyon sa subject ang 300 grams nga shabu nga nagkantidad ug P2,040,000 ug mga drug paraphernalia.
Nagtingkagol na karun ang mga dinakpan ug nag-atubang ug kasong kalapasan sa Comprehensive Dangerous Drugs Act of 2002.
Kahinumduman nga kagahapung adlawa, kapin 23 milyones ka pesos ang kantidad sa ginadiling drugas ang nasakmit sa PNP sa sunud-sunud nga mga buybust operations sa Sugbo.
