CEBU CITY — Napanglantawan ni Dr. Christopher Ryan Maboloc usa ka politial analyst ug professor sa Ateneo De Davao nga tungod kay dili igo ang nakita ni PDuterte nga ebidensya nga nagpamatuod nga na involved si PNP Chief Oscar Albayalde sa issue sa ‘ninja cops’.
Sigon sa political analyst nga maong wala gitangtang ni Presidente Duterte si Albayalde sa katungdanan niini taliwa sa mga panawagan sa kadaghanan nga tangtangon kini, dili matud pa convincing ang ebidensya nga nakita sa presidente.
Dugang pa niini, kung sa public opinion lang matud pa magbasi, mamahimo raman nga maapektohan o makombinsir ang publiko nga dunay kasaypanan ang pangu sa PNP apan kung diri na sa kahimtang sa kadagkuan, dili kini dali nga desisyon.
Hinoon, mi-uyon si Maboloc sa argumento nga usa kini ka linugdangan o consequence sa usa ka lider apan gitan-aw usab matud pa niini ang loyalty sa tao.
Ug tungod kay presidente na mismo ang wala nakombinsir ug wala mihimo og desisyon nga tangtangon si Albayalde, nagtoo kini nga wala gyuy ‘direct involvement’ ang PNP General.
Samtang gibutyag ni Atty. Clarence Paul Oaminal nga walay mabuhat ang publiko kung desisyon sa presidente nga dili tangtangon si Albayalde bisan paman og nalambigit ang pangalan niini sa ‘ninja cops’.
Kahinumduman nga nanawagan ang kanhi Usec sa Dangerous Drug Board (DDB) ug pangu sa Task Force Haring Tupas nga tangtangon ug pakanaogon sa pwesto ang moretiro nga PNP Chief.
Kung wala matud pa gitangtang ni Duterte si Albayalde dili pasabot nga muundang ang tao sa pakigbisog sa gitoohan niini nga dunay kalapasan nga nahimo ang general.
Dugang pa ni Oaminal nga maayo pamatyon ang mga ninja cops tungod kay duna may mga bukot-bukot lang o ingon man mga pulis nga nangamatay tungod sa kampanya batok sa drogas apan ang mga kadagkuan nga nalambigit usab ang gawasnon.
Dason pa sa manlalabang sayon ra kini analisaron ang tanan — una, ‘tanga’ si Albayalde tungod kay wala nakabantay sa nahitabong scanal o ‘apil’ siya niini.
