-- ADVERTISEMENT --
GIPAHIBALO ni Cebu City Mayor Edgardo Labella nga ipang-apudapud ang cash assistance ngadto sa mga senior citizen karong Oktubre 26.
Matud ni Labella nga makadawat ang matag senior citizen og 1,000 pesos nga hinabang, ingon man mga prescribed nga tambal.
Tungod niini gimanduan sa mayor ang City Treasurer’s Office nga i-andam ang pondo nga ipanghatag alang sa mga tigulang.
Samtang ipanghatag usab ang cash assistance ngadto sa mga PWDs o persons with disability sa sunod Sabado.
Nasayran nga nang-apudapud ang Cebu City Government og 12,000 pesos matag tuig alang sa 700,000 ka mga senior citizens sa dakbayan.
-- ADVERTISEMENT --
