CEBU CITY — Gi-awhag sa usa ka manlalaban ug kanhi governor sa Integrated Bar of the Phillippines (IBP) ang katawhan nga magpabiling vigilant sa electoral protest nga giduso ni kanhi Senador Ferdinand “Bongbong” Marcos.
Matud ni Atty. Elaine Bathan, nga angayang masayud ang katawhan sa protesta batok ni Vice president Leni Robredo sanglit aduna silay katungod sa pagbotar kon right of suffrage.
Supak si Bathan sa desisyon sa Supreme Court diin wala misugot si Chief Justice Lucas Bersamin nga ipahibalo sa publiko ang recount sa mga boto nilang Marcos ug Robredo alang sa pagka-bise presidente niadtong 2016.
Dugang pa niya nga apektado ang publiko sa dagan sa electoral protest.
Matud usab sa manlalaban nga kung ma-preempt man ang resulta sa recount, posible pang masakyan kini og pamulitika.
Gihimug-atan ni Bathan nga mahinungdanon ang transparency sa poll protest ug angayan gayud kining bantayan sa publiko.
