-- ADVERTISEMENT --
CEBU CITY — Gilamoy sa ka’yo ang dili moubos sa 20 ka mga panimalay atol sa nahitabong sunog sa Sitio Lusimba, Barangay Basak San Nicolas, dakbayan sa Sugbo niadtong Nobyembre 1 sa gabii.
Base sa inisyal nga imbestigasyon sa Cebu City Fire Department nga nadawat ang maong alarma pasado alas-7 sa gabii.
Giisa kini sa mga kabumberuhan ngadto sa second alarm. Gideklarar sa mga kabumberuhan nga fire out ang maong sunog sa takna nga alas-10:38 sa gabii.
Matud ni Senior Fire Officer 2 Marissa Cariño nga moabot sa 160,000 ang danyos sa maong sunog.
Kasamtangang giimbestigaran sa Cebu City Fire Department kung unsa man ang hinungdan sa maong sunog sa kagabihon sa adlaw sa mga santos.
-- ADVERTISEMENT --
