Gipasidunggan sa buhatan sa Department of Health Central Visayas, ang Bombo Radyo Cebu, alang sa makanunayong pagpakatap ug tukmang impormasyon ngadto sa publiko lakip na sa hisgutanan sa panglawas niadtong Biyernes, Nobyembre 6, 2026
Gitunol ang pasidungog atol sa gipahigayon nga 2026 Local Health System Awards ubos sa tema nga ” Advancing Universal Health Care through Una Para sa Kalusogan; Stronger Health systems, Healthier Communities and Healthier Philippines by 2040, lakip sa mga gipasidunggan ang uban nga mga Health Partner Agencies, sa pagpakaylap ug tukmang impormasyon sa panglawas.
Matud ni Joshua Brillantes, ang Regional Director sa DOH-7 nga mahinungdanon ang papel sa mga health partner agencies lakip na ang mga sakop sa media sa pagpakatap og impormasyon maylabot sa panglawas.
Sigon niini, nga dakong tabang ang mga media partners lakip na ang Bombo Radyo Cebu, sa pagpakigtambayayong sa paghatud og impormasyon ug mga balita aron maabut sa mga Sugboanon ang mga pagpahibalo sa kagamhanan.
Ang maong kalihukan, ipahigayon matag tapos sa tuig, aron pasidunggan ang mga nagkalain-laing sector ug ahensiya nga nahimong ka-abag sa pagpahibalo ug pagpakatap og impormasyon alang sa panglawas.
