Dugong Bombo ’19 sa Bombo Radyo gipasalamatan ni Mayor Ahong Chan

LAPU-LAPU CITY – Mibisita si Lapu-Lapu City Mayor Junard “Ahong” Chan sa Super Metro Lapu-Lapu kung diin usa sa gipahigayonan sa Dugong Bombo 2019.

Dako ang pasalamat ni Mayor Chan sa Bombo Radyo sa maong bloodletting activity diin nakahatag kini ug kahigayonan sa mga Oponganon nga makatabang sa mga nagkinahanglan.

Gani, milakip ang mayor ug linya alang sa ipahigayon nga screening sa mga sakop sa Philippine Red Cross Lapu-Lapu Chapter una nga makuhaan ug dugo.

Nanghinaut ang mayor nga sa gihapon magpadayon ang Bombo Radyo sa susama niini nga civic action project arun nga mas daghan pa sa katawhan ang matabangan.

Samtang, gihangop usab sa mga Oponganons ang nahisgutang bloodletting activity nga gipahigayon mismo diha sa ilahang dakbayan.