CEBU CITY-Mipasaka og kasong libel si Lorenzo Basamot kinsang head sa General Services Division batok sa 3 ka babae nga trabahante sa City hall nga matud pa mipasangil kaniya nga kini nangbastos sa maong mga babae.
Matud ni Basamot nga dili na niya maagwanta ang gihimong pagpakauwaw niini kaniya kung diin naapektaran na ang iyang pamilya og mga kaliwat.
Gitataw ni Basamot nga nagool ug naghinilak ang iyang mga anak sa dihang nahibaw sa panghitabo ug mismong ang iyang asawa, dili na mugawas sa ilang balay. Ingon man usab ang iyang mga kaliwat ang nakurat gumikan kay dili sila katoo sa maong pasangil.
Nagtoo si Basamot nga “politically motivated” ang tanan apan wala kini idea kung kinsa ang nagpaluyo niini.
Giklaro usab ni Basamot nga sa proper forum nalang kini niya tubagon.
