Gi-deliberate pa karon sa konseho sa dakbayan sa Sugbo ang posibleng pag-renew sa business permit sa mga establisimento matag duha ka tuig.
Matud ni Cebu City Councilor Reymond Garcia nga daghan pa ug gipanghan-ay nga mga provision niining bag-ong ammendment.
Ipatawag pa usab ang hepe sa business permit ug licensing section sa City Government kalabot niini.
Kini gumikan aduna pay daghang mga pangutana kun unsay mahitabo sa pagproseso sa sanitary permit, higher permit ug uban pa.
Apan matod pa ni Garcia paningkamotan niya kini para mapadayon ang mandatory ordinance.
Dugang pa sa konsehal gibuhat kini aron di na mahasol ang mga tax payers sa taas nga linya alang pag-renew sa permit matag tuig.
Kung mamahimo nang duha ka tuig ang pagrenew sa permit, mas maka-pokus na ang mga negosyante sa ilang tagsa-tagsa ka mga patigayon.
Apan dili pasabot niini nga matag duha usab sila ka tuig mubayad gumikan kay quarterly man gayud ang pagabayaran sa business taxes.
Gipasabot ni Garcia nga sa matag duha ka tuig, aduna nay validity ang pagkuha sa mga sticker ug mga dokumento.
Pinaagi niini aduna nay taas nga higayon nga ma-kompleto ang sanitary permit, health permit ug uban pa gumikan kay biennial ang renewal niini.
