CEBU CITY-Mipya-et ang Colon Vendor Association human nga nakadiskubre nga duna matud pa’y mga vendors nga namaligya sa night market nga wala nalakip ug naapektaran sa clearing operation.
Kini ang gibutyag ni Wilma Cabo, ang presidente sa Colon Vendors Association. Matud ni Cabo nga klaro ang pahimangno ni Cebu City Mayor Edgardo Labella nga alang lamang sa mga displaced vendor ang mamahimo nga mamaligya sa night market ug gumikan usab kay dili na usab karon ilogan sa tinda ang mga sidewalk vendors kung masakpan sa Probe Team, dali nalang usab kini makadagan ug makabalik ra dayon sa pagpaninda.
Gihimug-atan usab ni Cabo nga sa 336 ka mga sidewalk vendors nga gi-clearing, dili gyud tanan nakasulod ug nakabaligya.
Gipaabot na usab matud kini ni Cabo sa Market administrator nga si Junel Matugina apan miingon lang kini nga inspek-syonon apan wala matud pa kini gi-inspeksyon.
