Gi-localize sa Cebu City Council ang Republic Act 11313 o ‘Bawal Bastos’ law sa pagsiguro nga ma-implementar ug tarong sa syudad ang maong balaod.
Kini ang gibutyag ni Cebu City Councilor Alvin Dizon nga maoy nagtukod sa anti-catcalling ordinance sa syudad.
Matud ni Dizon nga mamahimo nga makamulta ngadto sa P5000 ingun man pagka priso ngadto sa usa ka buwan ang mag binastos sa isig katawo.
Giklaro ni Dizon nga dili kini ‘duplication’ sa balaod nga RA 11313 gumikan usa sa mga provision niini nag-ingon nga ang local government unit mopasar ug ordinansa kabahin niini para ma-implementar ug sakto ang maong ordinansa.
Aduna nay hotline usab nga mamahimong matawagan sa mga na agrabyado niining sexual harrasment practices.
Ubos sa maong ordinansa tanang gender ang apil niini ma-lalaki man o babae ingon man LGBTQ mamahimo nga mo reklamo kabahin niini.
Sigon pa ni Dizon importante ang maong balaodnon para mamahimong luwas ang mga kabatan-onan sa sexual harrasment.
Usa usab kini ka pamaagi sa pag-promote sa human rights.
Giklaro usab nga kun ugaling mo-reklamo gikinahanglan gayud nga adunay ebidesnya.
