Gikaguol ni Cebu City Mayor Edgardo Labella sa kamatayon sa sikat nga basketball player nga si Kobe Bryant.
Kini human nadisgrasya kagahapon sa buntag ang gisakyan niining helicopter kauban ang anak nga 13-anyos.
Matod pa ni Labella, nga idol gayud niya si Bryant gumikan sa kamayu niini nga mo duwa ug ingon man usa ka mapahiobsanon nga player.
Sigon pa sa Mayor nga ang kinabuhi sa tao susama sa kawatan sa kagabhion, muabot lang ug kalit nga wala kita masayod busa angayan nga mangandam kanunay.
Kahinumdumang namatay si Bryant sa usa ka helicopter crash sa California sa mi-aging kaadlawon, oras sa Pilipinas, diin lakip sa mga biktima mao ang anak niyang si Gianna.
Tungod niini, mipadangat usab og pahasubo ang mga basketball fans sa Sugbo subay sa pagtaliwan sa giilang legend sa NBA. (with reports by Bombo Jun Salde/GN/LQ)
