Mipasaka og 200 counts of cyberlibel case si Cebu City Councilor Niña Mabatid batok kang Kanhi Brgy. Kapitan sa Apas nga si Ramil Ayuman og kanhi konsehal Jun Alcover.
Gisang-at ni Mabatid ang kaso ngadto sa Quezon City ug Bagiuo City sanglit matud pa niini nga didto siya sa maong lugar sa dihang nakita niini ang post sa duha sa social media nga gidaot siya kababahin sa iyang pagpositibo sa drugtest.
Dason ni Mabatid nga abi niini nga human sa ilang ceasefire sa dihang gipa-undang nila ni Vice Mayor Rama, Mayor Labella ug OPAV Secretary Michael Dino ang ilang away, abi sa konsehal ug okay na sila gani nagtinagdanay pa sila.
Apan gi-unhan matud siya ni Ayuman og Alcover ug dili na matud pa siya matugot niini tungod kay paghulagway ni Mabatid nga sobra na ang pagpang ‘bully’ sa duha kaniya.
Gani mipaabot pa si Mabatid og mensahe ngadto ni Alcover nga kung magsige kini og estoyra, mas mudaghan pa ang kaso nga iyang ipasaka batok niini.
Pagtino pa usab ni Mabatid nga kining iyang gibuhat, balos nalang sa duha ug ang gi-ugatan gyud matud pa niining tanan mao ang wala pagmove-on ni Alcover ug Ayuman human mapildi sa election.
‘Bati og batasan si Pretty Niña’
Wala matud pa’y mahimo apan atubangon ni Kanhi Brgy. Apan Kapitan Ramil Ayuman ang kaso nga gipasaka batok kaniya ni Konsehal Niña Mabatid.
Kini bisan paman og una na kining miingong pagpangharrass kini.
Gitataw ni Ayuman nga wala sila’y kalabotan sa pasangil ni Mabatid, ug gani mas maayo gyud kini nga pa-isplikaron kung ngano nga kini nagpositibo sa drugtest.
Maayo matud pa magpalooy looy si Mabatid aron ingnon nga siya ang gidaog-daog apan sa personal ngil-ad matud pa kini og batasan.
Swerte lang matud pa kini nga nadatu kini dayon.
Gihimug-atan usab ni Ayuman nga si Mabatid ang maoy scammer human nga wala nay kisaw ang iyang saad nga ‘paspas card ug wheelchairs’.
Samtang, nagkanayon usab si kanhi konsehal Jun Alcover nga wala silay gihimo ngadto ni Mabatid inay ang pagbadlong lang sa iyang nga pagpangscam sa katawhan.
Dason sa konsehal nga katungod sa gihapon ni Mabatid nga mupasaka og kaso hayan iya ra usab kining atubangon.
Apan masaligon ang kanhi konsehal nga mugawas ra gihapon matud pa ang kamatooran nga nanglimin niining maong issue.
