Sikop ang mag-tiayon nga miyembro sa New People’s Army sa gipahigayon nga joint operation sa AFP-PNP sa rehiyon 7 sa Brgy. Tulang, Getafe, Bohol.
Giila ang nasikop nga sila Reynaldo Luega Camacho, 50 anyos ug live in partner niini nga si Carmelita Geraldez Cañeda.
Nasayran nga ang mga nasikop ang dunay mga posisyon sa giingong grupo.
Former secretary kini sa Kometing Rehiyonal Central Visayas, ug kasamtangang National Finance Commission staff sa Communist Terrorist Group.
Matud ni Police Brigadier General Albert Ferro ang PRO-7 Regional Director nga ang mga nasikop ang supplier usa og mga explosive device sa Central Visayas.
Dugang pa ni Ferro nga involve usab ang mga dinakpan sa pagpang-ambush sa mga law enforcers, extortion, ug uban pang terroristic activity.
Nakuha sa operasyon ang usa ka 45 caliber pistol, duha ka fragmentation hand grenades, duha ka 38 revolver ug lain-laing matang sa explosive devices, explosive components kauban na usab ang subversive documents.
Naa sa kustodiya karon sa PRO-7 ang mga nadakpan human nga mapasakaan og kasong kalapasan sa RA 10591 ug RA 9516. (With reports by Bombo Joann Gantalao/Fdp/Gn)
