MANDAUE CITY-Mipagawas na og mando si Mandaue City Mayor Jonas Cortes sa publiko nga ‘off limits‘ na ang Tipolo ug Mahiga Creek human usab nga nagpositibo sa polio virus ang Butuanon river human nga makuhaan og sample sa DOH pinaagi sa Research Institute for Tropical Medicine (RITM)/.
Matud ni Cortes atol sa tulumanong Zona Libre Sunday Edition nga kinahanglan gyud ang close coordination meeting kauban ang mayor sa Cebu, City, Lapu-lapu ug ingon man sa Concolacion kung diin mitadlas ang Butuanon river.
Kinahanglan matud nga magkahiusa ang naasoy nga mga LGU alang sa mahimong lakang nga masolusyonan ang issue sa polio.
Gawas niini, laing lakang nga gihimo matud pa ni Cortes sa iyang AOR (area of responsibility) mao ang ‘massive vaccination program’ ug ‘information dissemination’ kung diin gimandoan na niini ang city health officer nga si Dr. Rose Marie Tirado nga ang mu-penetrate sa mga sitio mao ang mga health officers.
Hayan kinahanglan na nga i-activate na ang mga health workers sa nagkalain-laing barangay.
