CEBU CITY-Mapasalamaton si Racquel Arce, ang pangulo sa PROBE sa kadugayon nga siya pabilin nga gisaligan isip mangulo sa PROBE bisan paman ug kini siya usa ka babae.
Subay sa paghandom sa International Womens Month,gipaambit ni Arce atol sa Zona Libre Program sa Bombo Radyo Cebu ang kasinatian niini sa iyang kinabuhi, diin gumikan sa iyang dedikasyon sa trabaho ug ang pagsilbi sa publiko, naguba ang iyang kaminyoon.
Sama sa mga naningkamot nga makabaton og posisyon, naningkamot si Arce butang nga napasagdan usab niini ang iyang kaminyoon,nakalimtan sa pangu sa PROBE nga duna diay siya’y bana.
Hinungdan nga dili boot gusto ni Arce nga lakip ang iyang trabaho maguba, taliwa sa mga hulga nga iyang nadawat ug ingon man paghukom sa kadaghanan nga iyang naligsan.
Hinoon, gi-angkon ni Arce nga duna siyay pagkuwang sa iyang kaminyoon sanglit sa dihang naangkon na niya ang posisyon nga iyang gikahinaman, wala na ang iyang bana.
Apan mapasalamaton usab si Arce labaw sa tanan sa iyang mga anak nga wala kini mi-demand kaayo og oras kaniya. Gisiguro sa working mom nga duna sila’y quality time, dili matud pa basihan kung kanunay mag-uban, ang importante ang kalidad sa oras nga sila nag-uban.
