-- ADVERTISEMENT --
CEBU CITY — Gibutyag ni Cebu City Mayor Edgardo Labella nga aduna silay i-deploy nga mobile market alang sa mga residente nga maapektaran sa enhanced community quarantine sa dakbayan.
Matud ni Labella nga mamaligya ang nahisgutang merkado og mga pagkaon sama na lang sa karne, manok, itlog, otanon, lagutmon, bugas, ug uban pa.
Dugang pa niini nga hatagan nila una og pagtagad ang mga residente sa bukirang barangay tungod kay maglisud sila og kanaog sa syudad aron mangompra.
Sa pagkakaron, i-deploy na sa entero dakbayan ang 15 ka mga mobile markets lukop dakbayan apan posible pa kining dugangan ni Labella kung gikinahanglan.
Sa gihapon, ipatuman ang mga protocols sama na lang sa physical distancing ug disinfection.
-- ADVERTISEMENT --
