CEBU CITY-Gipasabot ni Cebu Provincial Governor Gwendolyn Garcia nga duna usab siya’y mga kondisyon kalabot sa pipila nga nalakip sa exemptions sa gipatuman niini nga ‘Enhanced Community Quarantine’ (ECQ) ilabina ang mga construction workers.
Kamanduan sa gobernadora nga kini sila ang himoan og bank house ug didto mag-istar samtang gipatuman pa ang ECQ.Dugang niini kinahanglan usab mag-obserbar sa social distancing.
Giklaro usab sa gobernadora nga magpabilin gihapon ang serbisyo sa mga electric power generators ingon man ang supply sa tubig.Lakip na usab ang serbisyo sa BPO companies apan siguroon nga gihashasan na ang ilang workforce sa 50% sa kung si kinsa man pareporton sa ilang kompanya.
Gitataw usab ni Garcia nga makasulod ra usab sa dakbayan sa Sugbo ang mga magpatambal nga dunay pre-existing condition basta makapresent og medical certificate.
Dason pa usab sa gobernadora nga kabahin sa quarantine pass, kulpa na kini sa matag LGU’s sa probinsya butang nga gipangandaman na usab sa pagkakaron.Dason pa usab sa gobernadora nga kabahin sa quarantine pass, kulpa na kini sa matag LGU’s sa probinsya butang nga gipangandaman na usab sa pagkakaron.
‘Basic Commodities’
Padayon sa gihapon nga mag-abli ang health clinics, diagnostics center, laboratories ug ubang health care related offices, hospitals, mga manufacturer sa pagkaon og ilabina sa medisina–pharmaceutical alang sa pagama sa mga basic commodities.
Gitino usab sa opisyal nga ang cargo nalang usab ang pasudlon sugod karon dili ang si bisan kinsa ug unsa pa nga sakyanan.
Samtang padayon pa usab ang serbisyo sa pangpanglimpyo sa kadalanan ug ang pagpangolekta sa basura ug tanang lihok nga naglambigit sa sanitation sa dakbayan.
Gipasabot sa gobernadora nga gitugutan niya nga mu-operate ang mga hotels apan kutob ra kini sa alas 9 sa gabii.
