CEBU CITY-Gikumpirmar ni Carbon Public Market Administrator Junil Matuguina nga adunay pag-abuso sa pipila ka mga naninda sa Carbon partikular na sa produktong landang human nga sobrang nagmahal ang presyo niini.
Matud ni Matuguina nga adunay na-imbarguhan og paninada ug gipatawag sa buhatan sa market administrator.
Aduna matud pa’y usa ka vendor nga ni-angkon nga nagpa-mahal sa iyang baligya diin mu-abot sa P400 ang matag kilo sa landang. Subay niini duha ka adlaw nga ma-suspenso ang maong manindahay.
Sigon ni Matuguina nga nga dili palabyon sa iyang pamunu-an ang mga abusado ug mga bakakon nga manindahay ug pwede pa gyud kini nga ma-ban sa pagpamaligya sa Carbon Public Market.
Nasayran nga sa regular nga adlaw, mukabat sa P90 ngadto na sa P110 ang matag kilo sa landang samtang P150 ang matag kilo kung anaa sa special season nga taas ang demand sa maong produkto.
