CEBU CITY — Gihan-ay sa Cebu Provincial Government ang mga plano alang sa hinay-hinay nga pagdowngrade ngadto na sa general community quarantine human sa Mayo 15.
Ubos sa gi-umol nga “Task Force New Normal,” gi-andam mismo sa kapitolyo sa Sugbo ang mga polisiya sa panglawas, transportasyon, ug sa patigayon alang sa pagpatuman sa GCQ.
Matud ni Governor Gwendolyn Garcia nga maglangkub ang maong Task Force New Normal sa mga representante gikan sa sektor sa patigayon, panglawas, pagpang-uma, pamuo, trade and industry, transportasyon, ug turismo.
Sigon pa sa gobernadora nga gihimo na sa mga sakop ang mga plano nga magsilbing basehan sa bag-ong executive order alang sa “new normal.”
Naglaum ang gobernadora nga sa hinay-hinay nga transition sa mga quarantine measures, makalampus gayud ang mga Sugbuanon sa dakong hagit nga dala sa pandemic.
