COVID-19 patient, sikop human nasakpang nangawat sulod sa isolation center

CEBU CITY — Sikop ang usa ka COVID-19 patient human gipasanginlang nangawat og mga gadgets sulod sa usa ka Barangay Isolation Center sa Brgy. Tejero, dakbayan sa Sugbo kagabii.

Base sa pasiunang imbestigasyon, naabtan sa mga tawo ang usa ka 42-anyos nga lalaki human gipasanginlang nanguha og mga mahalon nga bluetooth speakers ug usa ka printer sulod sa isolation center nga mikantidad og P8,000.

Matud ni Police Staff Sergeant Frace Buling sa Waterfront Police Station nga nakita mismo sa mga volunteer health workers ug barangay officials ang binuhatan sa maong pasyente.

Mag-atubang ang dinakpan og kasong theft ug gikatakdang ikustodiya sa kapulisan inig human sa iyang quarantine period.