CEBU CITY — Gitun-an na sa sa Inter-Agency Task Force (IATF) og sa Cebu City government lakip na sa hingtungdang ahensiya sa panlawas sa siyudad ang posibleng pagpa-ubos sa Barangays Sambag 2 og Camputhaw sa “lockdown” gumikan sa taas nga kaso sa COVID-19.
Matod ni Atty. Rey Gealon ang tigpamaba ni Mayor Edgardo Labella nga buot pasabot, adunay daghang pulis og mga sundalo ang ipang-deploy sa lugar aron masiguro ang “stay at home” order nga usa sa pa-agi aron malikayan nga mokuyanap pa ang coronavirus.
Samtang gawas sa naasoy’ng mga barangay lakip usab sa gitan-aw nga posibleng ipa-ubos sa “granular lockdown” ang Sambag 1, Basak San Nicolas, Mabolo, Guadalupe, Lahug, Duljo, Tinago, Tisa, Ermita, og Tejero.
Kini human nga ang naasoy’ng mga lugar ang adunay Sitio nga daghang nagpositibo sa Coronavirus hinungdan sa pag-contain sa mga Sitio niiini nga adunay taas nga kaso sa COVID-19.
Samtang gawas sa hugot nga pagpatuman sa “stay at home order” lakip usab nga bantayan ang pagsul-ob sa face mask, physical distancing, og ang pagbantay nga wa’ magtapok sa usa ka lugar.
Subay niini, gisiguro sa City Government nga mapang-apod-apod ang mga hinabang alang sa apektado nga mga residente.
