CEBU CITY– Dili matud pa angayan nga kabalak-an ang paglugway pa sa Enhancecd Community Quarantine sa Cebu City. Subay usab kini sa kompirmasyon ni Presidente Rodrigo Duterte sa iyang pamahayag kagabii, Hulyo 1 sa dihang gibasa ni Department of Health (DOH) Secretary Francisco Duque III ang bag-ong Quarantine status sa pipila ka lugar o rehiyon sa nasud.
Matud ni Atty. Rey Galeon ang tigpamaba ni Cebu City Mayor Edgardo Labella nga ang siyudad adunay 500 million pesos nga budget alang sa covid-19 response kung diin 80 ka barangay ang makatagamtam gyud sa ayuda.
Makadawat matud pa sila og sinakong bugas gumikan kay 200,000 ka mga sakong bugas ang gipangapud-apud lakip na mga delata ingon man mga noodles nga maoy madali-dali niining panahona ilabina usab sa mga “no work no pay”.
Gitataw usab ni Galeon nga wala kini gipili sanglit lakip na niini ang mga nag-abang lang.
Andam matud pa ang mayor niini ug sigurado nga aduna gyuy madawat ang matag panimalay.
