CEBU CITY-Wala matud pa nagdahom si Konsehal Joy Young nga madeny ang pagpa-imbestigar sa council kabahin sa giingong ‘missing dressed chicken’ nga gidonate sa usa ka private sector ngadto sa city hall.
Matud ni Young sa dihang nahinabi sa Bombo Radyo Cebu nga dako ang iyang kahibulong sanglit nagtoo siya nga suportado kini sa mayorya sa council Sigon pa sa konsehal nga niining pagdeny sa konseho ang magpakita nga guilty matud pa sila.
Angayan gani matud pa nga ila kining depensaan ug aron nga mahunong ning maong issue. Gidugang pa usab ni Young nga bago lang siya nasayud nga si Cebu City Mayor Edgardo Labella ang wala usab mipirma sa deed of donation kung diin ang mismo matud pa ang nagdonate sa maong manok ang nabalaka na, gumikan kay igo lang kini gitugyanan usab sa naasoy nga pribadong kompanya alang sa pagdonate sa mga manok.
‘Blank Document’
Una na usab niini, nagkanayon si Konsehal Edu Rama kinsang nalambigit usab niining maong issue nga aduna kini magpamatuod nga mga dokumento nga gipirmahan sa mga nakadawat sa mga naasoy nga manok.
Apan kini gikahibulong usab ni Young sanglit ang naaosoy matud pa nga dokumento sa dihang iyang gihiling, blangko man.
