CEBU CITY — Hangtud lang sa 30 porsyento lang ang tugutan nga makasulod sa mga sementeryo sa syudad sa Sugbo sa mga mobisita sa ilang kaliwat nga mipanaw.
Kini ang gihimug-atan ni Cebu City Mayor Edgardo Labella atul sa panagtigom niini kauban ang mga managers ug administrators, PROBE ug kapulisan kagahapon adlawa.
Nasabutan niini nga mamahimo lang abli ang sam-ang gikan sa alas-6 sa buntag hangtud na sa alas 6 sa gabii isip hugot nga pagbantay sa tanang mga pampubliko ug pribado nga sam-ang sa syudad subay na sa pagpangamdam sa adlaw sa mga kalag.
Gitahasan sa Mayor ang mga sakop sa PROBE, PNP, barangay tanod, ug mga auxiliary forces sama sa Task Force Kasaligan nga mobantay sa mga matag menteryo.
Samtang, manghatag og ayuda nga bugas isip hinabing sa syudad sa mga apektado nga sepulturero, tig-gama ug lapida, manindahay og buwak ug mandindahay og kandila.
Sugod karon Septyembre 26 hangtud sa Nobyembre 7, did-an na ang pagpaninda og mga pagkaon sa mga sam-ang.
Samtang, ginadili gihapon ang pagdala og ilimnong makahubog, hait nga hinagiban, pagpadala og pagkaon sulod sa mga sam-ang, alang kini tanan arun malikayan ang pagpangtapok nga moresulta sa pagkuyanap sa makamatay nga sakit.
Kung mahinumdoman, nipagawas og mando ang Malacanan nga ipasirad-an ang tanang sam-ang sa tibuok nasud sugod karon Oktubre 29 hangtud na sa Nobyembre 4.
Mi-awhag ang mayor sa publiko nga mobisita sa dili pa o inig human na sa adlaw nga temporaryong pagpanira sa mga sam-ang. (ekp)
