CEBU CITY — Gihimug-atan ni Cebu City Vice Mayor Michael “Mike” Rama nga panahon na aron hatagan ug kagawasan ang mga senior citizens nga makagawas ning panahon sa pandemya.
Hinu-on gi-klaro ni Rama nga kinahanglang responsable usab ang mga edaran nga mogawas aron malikay sa ka-delikado sa coronavirus.
Gibutyag sa Bise Mayor nga sa pagsugod pa lang nga naumol ang kamandu-an diin gidid-an ang mga senior nga mogawas, wa na matod pa kini maka-uyon sa kamanduan nga “shall stay at home” sanglit di man martial law ang gipatuman alang sa katilingban ning panahon sa pandemya.
Angayan na matod pa nga maka ginhawa-ginhawa na ang mga edaran, makahanggab ug preskong hangin ug makalakaw-lakaw sa gawas.
Walaa hinu-oy puas usab nga gipahinumduman ang matag usa nga mosunod sa mga safety protocols aron di mataptan sa coronavirus. /gbs/gn
