CEBU CITY — Gibutyag ni Cebu City Councilor Alvin Dizon nga dako kaayo ug papel ang tubig alang sa pagmentenar sa kalimpiyo sa panlawas.
Gani nagtu-o ang opisyal nga gumikan sa problema sa tubig mao ang hinungdan sa pagsaka sa kaso sa COVID-19 sa dakbayan sa Sugbo niadtong mga buwan nga nibuto ang pandemya.
Ang kakuwang sa tubig mao ang hinungdan sa sitwasyon diin lakip sa mga barangay nga adunay kaso sa COVID-19 mao usab ang nakasinati sa kakuwang sa suplay sa tubig. Lakip sa maong mga barangay ang Barrio Luz ug Camputhaw.
Subay niini, gihimug-atan usab sa konsehal nga dili ang liderato sa Metropolitan Cebu Water District (MCWD) ang tubag sa problema sa tubig sa syudad sanglit niadto matod pa nga nakalabay’ng administrasyon sa MCWD, nasinati na usab ang susamang problema. (gbs)
