CEBU CITY — Gipasabot ni Cebu City Health Officer Dr. Jeffry Ibones nga wala na’y rapid test nga gigamit ang syudad alang sa pagsuta sa mga indibidwal kung nataptan ba sa coronavirus.
Matod ni Ibones nga isip kabahin sa standard nga gimando sa mga hingtungdang ahensiya sama sa DoH, gigamit ang swab test alang sa mga indbidwal nga nagkinahanglan niini.
Gihupay usab niini ang kabalaka sa ubang indibidwal nga nagproblema kung asa mangita’g kantidad nga pang- swab test.
Matod pa niini nga adunay mga libre nga swab test sa syudad diin lakip na niini ang sa Vicente Sotto Memorial Medical Center og sa ubang centers nga adunay libreng swab test.
Ning kasamtangan mas gipahugtan sa local government sa Sugbo ang pagbantay sa mga Sugbu-anon subay na sa pagsaka sa kaso sa COVID-19 sa dakbayan. (Bombo Glenda Sabenorio)
