CEBU CITY — Sikop sa hini-usang buybust operation sa kapulisan ug sa PDEA ang usa ka trabahante sa Cebu City Hall sa Brgy. Babag, Lapu-lapu City kagahapon.
Giila ang suspek nga si Robeth Sable Delos Santos, adunay live-in partner, Administrative Aid III sa Cebu City Hall.
Matud pa sa mga imbestigador nga lumad taga Brgy. Suba sa dakbayan sa Sugbo si Delos Santos ug nag-abang lang kini sa panimalay sa syudad sa Lapu-Lapu.
Nakuha sa suspek ang usa ka belt bag, usa ka gamay nga pakete sa plastic nga adunay sulod nga gituohang shabu, samtang usa ka medium size nga pakete sa plastic nga gituohang shabu ug adunay gingbug-aton sa 100 ka gramus. Mobalur kini sa P714,000.
Nasayran usab nga adunay kaso kalapasan kiniadto si Delos Santos sa RA 9165 o ang Comprehensive Dangerous Drugs Act of 2002.
