Mahal, nitaliwan na sa edad nga 46-anyos

CEBU CITY – Nibaha sa pahasubo gikan sa mga fans ug kaubanan sa showbiz industry human nga nigawas ang taho nga nipanaw na ang komedyante, aktress, ug social media influencers nga si Noeme Tesorero o ilado sa tawag nga si “Mahal” sa edad nga 46-anyos.

Kini ang gikumpirma sa iyahang stepmother nga si Josefa Tesorero sa pagbiya na sa komedyante.

Apan, wala kini nihatag og detalye kabahin sa pagkamatay niini.

Samtang, nasayran nga “gastro illness” ug COVID-19 ang gikamatay ni Mahal samtang anaa kini sa usa ka tambalanan sa Batangas.

Diin bag-o lang nahibaw-an nga positibo kini sa COVID-19.

Gawas niini, adunay pre-existing condition ug high blood pressure si Mahal butang nga nakonsidera kini nga “high risk” sa makamatay nga sakit.// EKP