CEBU CITY – Mipahinumdom si Cebu City Councilor Joel Garganera, kinsang Emergency Operations Center (EOC) Head, sa mga bar owners nga padayon nga ipatuman ang 70% nga capacity, hayan istrikto sa gihapon nga sundon ang health protocols.
Gibutyag ni Garganera nga nakadawat kini ug mga reports nga adunay mga bar nga nagpunsisok na ang mga kustomer ug wala na mapatuman ang social distancing.
Matud pa, kadtong mga ‘enclosed’ nga bar, gikinahanglan sa gihapon ang ventilation, gawas lang niadtong mga al fresco.
Giingong iyaha nang gipatawag ang mga tag-iya sa maong mga bar ug maabot kini sila karung adlaw nga Lunes.
Nasayran nga nangabli na pagbalik ang mga bar sa syudad sa Sugbo human nga gilibkas ang curfew niadtong mga nakalabay nga semana.
Nagkanayon si Garganera nga karun nga mas gipalu-agan pa ang mga restrictions, dili angayan nga magkumpyansa gumikan kay anaa sa gihapon ang hulga sa COVID-19.
