CEBU – Gihangyo ni Cebu City Mayor Mike Rama ang mga tindera sa Carbon Market nga malinawon nga biyaan ang ilang mga stalls sa Freedom Park ug Warwick Barracks og mobalhin sa interem market.
Kini aron mahatagan og dalan ang modernization project diin ang lokal nga kagamhanan adunay Joint Venture Agreement (JVA) tali sa Megawide Construction Corp.
Nipagawas na ang Market Authority og notice to transfer ngadto sa mga vendors sulod sa tulo ka adlaw niadtong Martes, Marso 15, 2022, tungod gikatakda nang sugdan sa Megawide ang pagtukod sa modernong merkado.
Gi-angkon ni Rama, nga nahibaw kini nga nisukol o nisupak ang mga vendors sa tulo ka adlaw nga notice sa Market Authority nga ibalhin ang mga vendors gikan sa Freedom Park ug Warwick Barracks ngadto sa interim market, ug gitino nga kung mohaom sa timeline, kinahanglang buhaton.
Dugang pa sa mayor nga ang curative measures nga iyang gisumiter ngadto sa City Council mapasar sa dili madugay aron walay rason nga malangan ang timeline sa proyekto gawas lang kung dunay court order.
Gipasabot usab ni Mayor Mike nga ang kamandoan sa notice dili gikan niya ug iyaha kining susihon uban ang angay nga kakugi.
Apan sa pagkakaron, giawhag sa mayor ang mga vendors nga sundon ang instruction sa Market Authority bahin sa maong butang, aron dili malangay ang proyekto gumikan kung dili mahimo kini nga kalapasan sa kontrata.
