CEBU – Mapasigarbuhon si Ginebra coach Tim Cone human makuha nila ni Scottie Thompson ug import Justin Brownlee ang individual honors sa dili pa ang PBA Governors’ Cup Game 4.
Matod ni Cone nga gigantihan ang duha dili lang sa ilang abilidad sa pag-iskor, apan sa dako nilang kontribusyon sa team.
Nakab-ot sa Barangay Ginebra guard ang highest individual honor of the conference, nga nakatigom og kinatibuk-ang 1,128 puntos gikan sa hiniusang statistical points ug mga boto gikan sa media, players, ug sa PBA office.
Napildi ni Thompson ang TNT rookie sensation nga si Mickey Williams, ang prolific gunner sa NorthPort nga si Robert Bolick ug kanhi MVP Arwind Santos, ug ang Phoenix star nga si Matthew Wright.
Nag-una ang 28 anyos nga player sa statistics nga adunay 401 puntos, ug nakuha ang pagtangdo sa media (480), mga magdudula (97), ug PBA (150) aron makuha ang unanimous choice alang sa coveted honor.
