Dili pa sigurado ang head coach sa Gilas Pilipinas nga si Tim Cone kung si Justin Brownlee ba kauban sa Gilas Pilipinas sa Asian Games.
Ang Gilas Pilipinas makigsangka sa Bahrain sa Setyembre 11 sa Japan.
Nakahukom si Brownlee nga dili moapil sa Gilas Pilipinas sa ikaupat nga window sa FIBA World Cup Asia Qualifiers batok sa Jordan sa Biyernes, Agosto 28 ug Iran sa Domingo, Agosto 30.
Giingon usab ni Cone nga walay indikasyon nga si Brownlee mouban sa Asian Games sa Nagoya diin ang Pilipinas ang defending champion.
Mihangyo si Brownlee nga dili moduwa sa pagkakaron aron mamaayo gikan sa injury nga iyang naangkon atol sa ikatulong window sa FIBA World Cup Asian Qualifiers ug sa PBA Finals.
Giingon usab niya nga walay kasiguroan nga ang mga naturalized players nga sila si Bennie Boatwright ug Ange Kouame, nga aduna pa’y kontrata sa France, mouban sa Gilas Pilipinas sa Asian Games tungod kay kinahanglan pa nila nga makakuha og mga pasaporte sa Pilipinas.
