CEBU – Giila sa otoridad sa Japan ang usa ka tubero o overseas Filipino worker human niini giluwas ang usa ka Japanese nga babaye.
Nailhan ang Pinoy nga si Emil Reboja Vega, 32, ug ang iyang giluwas usa ka Japanese national kinsa misulay sa pagtapos sa iyang kinabuhi niadtong Abril 24, 2022.
Base sa taho, giingong nagpuyo ang Japanese national sa Asaka City, Saitama Prefecture.
Nasayran nga padulong na untang mopauli si Emil dihang iyang nasugatan ang babaye nga mo-ambak na unta sa taas nga taytayan.
Wala mag-usik ug panahon si Emil ug dali kininng mikanaog sa motorsiklo nga gimaneho ug gigunitan ang kamot sa babaye dayon nangayo og tabang sa ubang motorista nga milabay, ug nanawag og pulis.
Isip pag-ila kang Emil, usa ka seremonyas ang gipahigayon sa kapulisan niadtongMayo 19, 2022 diin gitunolan kini Asaka City Police Commissioner Chief Inspector Makoto Sato og certificate isip pasidungog sa iyang pagkabayani.
