CEBU – Daghan ang makuhang benepisyo sa vitamin D pero dili lakip niini ang pagpugong sa Type 2 diabetes sa mga hamtong.
Nakita sa usa ka bag-ong Japanese trial nga walay significant difference sa mga partisipante sa pagtuon nga migamit og vitamin supplement ug kadtong mikuha og placebo.
Gibutyag sa mga researchers nga bisan kung ang pagtambal sa eldecalcitol, usa ka active form sa vitamin D nga gigamit sa pagtambal sa osteoporosis sa Japan, wala makapamenus sa incidence of diabetes sa mga tawo nga adunay prediabetes.
Alang sa pagtuon, gi-assess ni Tetsuya Kawahara gikan sa University of Occupational and Environmental Health sa Kitakyushu, Japan, ug mga kaubanan kung makapakunhod ba ang eldecalcitol sa risgo sa Type 2 diabetes sa 630 ka mga indibidwal nga adunay impaired glucose tolerance.
