CEBU – Nahulog sa pangpang ang usa ka multicab samtang kini naka-park lang sa Sitio Napo, Barangay Sapangdako, dakbayan sa Sugbo, kagabii.
Gibutyag sa drayber sa multicab nga si Joseber Albaracin, nga gi-parking niini ang sakyanan samtang mikanaug arun nga adtu-on ang tag-iya sa sofa nga ilahang gi-deliver.
Matud pa, kalit lang nga midagan ang sakyanan hinungdan nga iyaha kining gisuwayan sa pag-gukod apan wala na maabti ug padayon nga nahulog sa pangpang.
Subay niini, naangol ang sakay sa multicab nga si Juanita Sandoval kinsang daling mi-ambak, ingon man ang naasoy nga drayber nga migukod pa sa sakyanan.
Sa nasayran adunay tulo ka mga bata nga sakay sa maong multicab, diin ang duha niini kay apo sa gipalitan sa sofa, samtang ang usa kay kauban sa drayber.
Hinuon, pulos kini anaa sa luwas nga kahimtang./
