-- ADVERTISEMENT --
CEBU – Gipahibaw ni Cebu City Mayor Mike Rama nga si Atty. Rico Rey Francis “Koko” Holganza maoy mopuli chairman sa Cebu City Traffic Operations Management Board karong umaabot Hulyo 1.
Matod pa ni Rama nga haom kaayo si Koko Holganza nga maoy molingkod sa board gumikan kay kanhi kini konsehal sa syudad sa Sugbo, kanhi collector sa Bureau of Customs (BOC) ug adunay track record.
Dugang pa sa mayor nga maayo ang iyahang panglantaw ni Holganza isip chairman sa board sa CTTO.
Nasayran nga adunay mga lahugay ug adunay papulihan nga mga department heads inig umaabot Hulyo 1 kung diin pormal nang molingkod si Rama isip elected mayor sa dakbayan sa Sugbo.
