CEBU – Malipayon ug mapasigarboon ang Cebu City Police Office sa desisyon ni Mayor Mike Rama kabahin sa pagtudlo niini retired Philippine National Police (PNP) Chief Debold Sinas isip sakop sa advisory board sa dakbayan kaniadtong Lunes, Hulyo 4, 2022.
Gibutyag ni Cebu City Police Office Spokesperson PLt. Col. Maria Theresa Macatangay nga ang presensya ni Debold Sinas sa Cebu City hall mag hatag ug maayong backdrop ug foundation sa kung unsa man ang pagabuhaton sa kapulisan sa katarong sa katawhan dinhi sa syudad sa sugbo, ug mabalik na ang tag line o ma attain na niini ang Cebu cities finest.
Dugang pa, nga dili angayng kahadlokan si sinas diin ang susamang mahadlok kaniya adunay dautang binuhatan.
Kahinumduman nga sa wala pa siya nahimong hepe sa PNP niadtong Nobiyembre 2020, si Sinas kanhi direktor sa Police Regional Office sa Central Visayas (PRO 7) gikan Hulyo 2018 hangtod Oktubre 2019.
Kung kahinumduman, nga human sa iyang katungdanan sa PRO 7, si Sinas nagsilbi isip hepe sa National Capital Region Police Office (NCRPO) sa wala pa siya gitudlo ni Presidente Rodrigo Duterte nga hepe sa PNP.
