Kapulisan, migamit og tear gas aron pahawaon ang mga nagprotesta sa France

Misaka pa ang gidaghanon sa mga misalmot sa kaylap nga mga protesta sa nagkalain-laing bahin sa France.

Napugos ang kapulisan sa paggamit og tear gas aron pahawaon ang mga nagprotesta.

Gipadayag sa mga nagprotesta ang ilang pagsupak sa giingong pagpasagad sa gobyerno sa sektor sa edukasyon.

Kapin sa 2,000 ka mga eskwelahan ang gisirhan tungod sa mga protesta, samtang gibanabana sa mga awtoridad nga miabot sa tunga sa milyon ang gidaghanon sa mga misalmot.

Nanawagan usab ang gobyerno sa France alang sa malinawon nga dayalogo uban sa mga nagprotesta.