-- ADVERTISEMENT --
Nagkasinabot ang mga nasod nga sakop sa Group of Seven (G7) sa pagpagawas og 100 ka milyon ka baril nga krudo ug mga produktong petrolyo gikan sa ilang gitipigan nga suplay.
Tumong sa maong lakang ang pagpaubos sa presyo sa lana sa tibuok kalibotan taliwala sa nagpadayon nga tensyon tali sa Estados Unidos ug Iran.
Nagpahigayon og emergency meeting ang G7 human nanawagan si US President Donald Trump sa mga nasod sa Europe nga ipagawas ang ilang mga gitipigan nga suplay sa lana.
Nakigkoordinar usab ang G7 sa International Energy Agency (IEA) alang sa pagpagawas sa maong suplay.
Ang G7 gilangkoban sa United States, United Kingdom, Canada, France, Germany, Italy ug Japan.
-- ADVERTISEMENT --
