Misaka na sa 15,000 ka mga tawo ang gidakop sa kapulisan sa France may kalabotan sa kaylap nga mga protesta sa nasod sa miaging pipila ka semana, sumala sa taho sa national government niadtong Martes.
Kining mga lihok naggikan sa mga panawagan alang sa reporma, nga gipalihok sa pagsaka sa gasto sa panginabuhi ug nagkadako nga kawalay katagbawan sa kahimtang sa sektor sa edukasyon sa nasod.
Matod ni Justice Minister Gérald Darmanin, anaa na sa 7,184 ka mga indibiduwal ang gidakop sa kapulisan atol sa mga protesta bahin sa inflation ug suholan sukad niadtong Oktubre 17.
Dugang pa, anaa sa 8,000 ka mga tawo ang gidakop may kalabotan sa mga protesta alang sa mga reporma sa edukasyon.
Gipakita usab sa mga datos nga anaa sa 2,661 ka mga menor de edad ang lakip sa mga gidakop, diin lima kanila ang nagpabilin pa gihapon sa kustodiya sa kapulisan.









