Gidakop sa mga awtoridad sa France ang dul-an sa 1,000 ka mga nagprotesta human misangpot sa kapintasan ang ilang mga kalihokan.
Matod ni French Interior Minister Laurent Nuñez, kadaghanan sa mga gidakop nalambigit sa mga bayolenteng insidente atol sa mga protesta.
Mas taas kini nga gidaghanon kon itandi sa 385 ka mga pagdakop nga natala sa miaging semana.
Ang pipila sa mga gidakop giingong nalambigit sa pagpangawat sa nagkalainlaing establisemento.
Bisan pa niini, walay piho nga mga publikong pasilidad, sama sa mga munisipyo ug estasyon sa kapulisan, nga gikataho nga maoy target sa mga nagprotesta.
Sa Paris, napugos ang mga awtoridad sa paggamit og mga water cannon aron pahawaon ug patibulaagon ang mga nagprotesta.
Gipahinabo ang mga protesta sa nagkagrabeng kahimtang sa ekonomiya ug sa mga kabalaka bahin sa kalidad sa edukasyon.
