CEBU – Andam na ang mga public schools sa pagpatuman sa Reserve Officer Training Corps (ROTC) ilabi na ug kini mando na mismo ni President Ferdinand Marcos, Jr. atol na sa SONA niini.
Gibutyag ni Raul Constantino, ang presidente sa Teacher’s Dignity Coalition-Central Visayas, nga daan na nila nga gilauman ang subling pagpatuman sa maong programa ug nagpaabot na lang sila sa mando sa DepEd Cebu City Division.
Apan giangkon ni Constantino nga adunay mga tunghaan nga dili pa-igo ang mga pasilidad ilabi na ang nga tunghaan nga dili dagko ug mga school grounds.
Samtang, nakita ni Constantino nga dako ug ikatabang ang ROTC sa paghatag ug disiplina sa mga kabatan-onan.
Sigon pa, ang mga kabatan-onan karun kay hilabihan na ka ‘entitled’ ug daghan na ug reklamo, gani bisan sa ilahang mga ginikanan kay dili na magpa-disiplina.
Subay niini, gihimug-atan ni Constantino nga mas angayan lang nga ibutang sa hunahuna sa mga kabatan-onan ang importansya sa pagbaton ug disiplina sa kaugalingon.
