CEBU – Giduso ni Cebu City Councilor Atty. Rey Gealon ang usa ka ordinansa nga maghatag ug kahigayonan sa mga Persons With Disabilities (PWDs) nga makatrabaho sa mga opisina sa gobyerno ug uban pang establisimento sa dakbayan sa Sugbo.
Matud ni Atty. Gealon nga aduna na’y Magna Carta alang sa mga PWD diin nagmando sa mga opisina sa gobyerno sa pag-hire ug 5% sa ilahang mga empleyado nga gikan sa sektor sa PWDs.
Gipunto sa maong balaud partikular na ang buhatan sa DepEd, DSWD ug DOH, hayan tuyo sa naasoy nga konsehal nga himuon usab kini sa counterpart sa City government susama na lang sa local school board, city social welfare ug sa City Health.
Samtang, tuyo usab sa maong ordinansa nga buhi-on ang Person With Disabilities Affairs Office sa City Hall arun nga adunay kadaganan ang mga PWDs kung ugaling mahikawan sa ilahang mga katungod.
