CEBU – Nasikop sa National Bureau of Investigation Anti-Human Trafficking Division ang usa ka 19 anyos nga lalaki sa entrapment operation sa Barangay Mambaling niadtong Hulyo 29, ug na-rescue usab nila ang usa ka batan-on nga kauban sa suspek atol sa ilang operasyon.//
Giila ni Atty. Rennan Augustus Oliva, NBI-Regional Director-Central Visayas, ang maong lalaki nga si Romilo Romero, taga Barangay Bulacao, dakbayan sa Sugbo, kinsa giakusahan kini nga mitanyag og pakighilawas ug namaligya og mga video sa iyang pagpakighilawas sa iyang mga biktima nga lalaki, diin pipila niini mga menor de edad.//
Dugang pa, nga si Romero makigtagbo sa iyang mga biktima, gamit ang iyang social media account, aron itanyag ang usa ka “channel” nga nagpakita sa mga sex video nga iyang gi-film sa bayad nga P200.//
Nagpadala og ahente ang NBI-7 aron makigkita kang Romeo atol sa entrapment operation, sa ilang panagkita, si Romero giingong nitanyag sa iyang kauban ngadto sa ahente sa NBI-7 sa bayad nga P2, 500.//
CUE IN:ATTY. RENNAN AUGUSTUS OLIVA, NBI-REGIONAL DIRECTOR-CENTRAL VISAYAS
Samtang sa pikas kabahin, gihimakak kini sa suspetsado nga si Romilo Romero, gumikan kay matud pa niya, siya ang gibugaw og biktima lamang kini.///
