Olympic gold medalist nga si Hidilyn Diaz, nipahibaw sa posibilidad sa pagretiro human sa 2024 Olympics

CEBU – Nipahibaw pinaagi sa social media ang unang Pinoy nga nakadaog og bulawang medalya sa Olympics nga si Hidilyn Diaz-Naranjo, sa iyang posibleng pagretiro sa weightlifting human sa 2024 Paris Olympics.

Gi-post ni Diaz ang hulagway sa iyang mga kamot lakip ang sulat sa iyang sport.

Gipaambit niini ang pagpangandam sa umaabot nga Olympics nga ipahigayon sa France.

Gi-post usab ni Diaz ang hashtag nga “#LastLift,” o ang posibilidad nga mao na kini ang iyang kataposang duwa alang sa nasod.

Kahinumdoman, human sa iyang kasal sa iyang coach nga si Julius Naranjo, nipahibaw na kini nga gi-postpone nila ang ilang honeymoon aron makapangandam sa Olympics.