Hidilyn Diaz, mopahigayon og world-class weightlifting competition sa nasod

Andam na ang unang Olympic gold medalist nga weightlifter nga si Hidilyn Diaz nga mopahigayon og usa ka world-class nga kompetisyon sa weightlifting sa nasud.

Ang “HD LiftOff” opisyal nga ipahigayon sa sunod bulan diin kini pagapangulohan ni Diaz ug sa iyang bana, si coach Julius Naranjo.

Gitumong sa maong torneyo sa paghimo sa isport nga weightlifting nga mas mailhan sa nasud.

Si Diaz miingon nga panahon na nga ipahigayon ang kompetisyon lima ka tuig human niya madaog ang iyang unang bulawang medalya.

Ang kompetisyon ipahigayon karong Agosto 15-16 sa Makati City.