CEBU – Mipasar ug usa ka resolusyon ang Konseho sa Syudad sa Talisay, nga naghangyo sa mga Barangay Development Councils sa 22 ka Barangay sa Talisay nga mag maintain ug database sa ilang community disaster volunteers, apil na ang ilang private individual or organized groups kinsa mogamit sa ilang rescue vehicles.
Kini ang gibutyag ni Talisay City Councilor Danny Caballero, nga ang maong resolusyon subay sa RA10121 o mas naila nga Philippine Disaster Risk Reduction and Management Act.
Dugang pa, nga kini ilang gibuhat, alang sa kaluwasan sa katawhan sa naasoy nga Lugar, gumikan kay dili mahibal-an ang dagan sa panahon ug moakalit lang og taas ang tubig sa mga kasapaan.
Saysay pa sa konsehal nga ipa-agi og proper training ang mga volunteers sa taga barangay, arun sa ingun makahibalo sila sa angay nga buhaton, kung adunay di matag-an nga mga panghitabo.
