CEBU – Gibutyag sa Anti-Kidnapping Group Visayas Field Unit (AKG-VFU), nga walay report sa kidnapping sa Kabisay-an bisan pa nga kini nahimong kabalaka karong bag-o tungod sa mga insidente nga gipaambit online.
Apan matud sa ahensiya nga dili kini rason nga mokompyansa ang publiko.
Matod ni Police Lieutenant Zosimo Ravanes Jr., deputy officer sa AKG-VFU, nga gikinahanglangg pahinumduman ang miyembro sa pamilya, nga likayan ang isa ka lugar nga balik-balikon og agi, ingun man ang routine nga agi-anan, gumikan kay dako ang possibilidad nga mamahimong atngan kini sa maong lugar, kay mao kana ang kasagran nga mahitabo sa kidnapping.
Dugang pa, nga kung adunay mga threat sa kinabuhi, mo adto dayun sa authorites, ug e-report sa mga kapulisan kay kung dili kini moreport, dako ang possibilidad nga perming makapamati ug trauma, gumikan kay sige kinig balik-balik sa hunahuna.
Kahinumduman nga nahimong isyu ang kidnapping karong bag-o tungod sa mga report nga nikatap online sa giingong mga insidente sa kidnapping nga naglambigit sa mga babaye sa Luzon.
